KREAZIOA

KREAZIOA

Sonia Aldave 

Ekintza honekin Jainkoa aurkeztuko nahi dugu. Horretarako, Bibliak Jainkoari buruz ematen duen irudia azpimarratuko dugu: Jainkoak mundua sortu du eta bizia eman die landareei, animaliei eta pertsonei. Jainkoak mundua eman digu opari bertan bizi gaitezen, eta natura utzi du gure zaintzapean.

1.- HELBURU  OROKORRA

1.-  Jainkoari Aita, gauza guztien Sortzaile esaten diotela jakitea, bai eta beti gurekin dagoela ere, maite eta barkatzen gaituela

2.- HELBURU DIDAKTIKOAK

1.- Jainkoak mundu liluragarria sortu duela jakitea.

2.- Natura eta bizia Jainkoak pertsona guztioi egindako opari gisa baloratzea.

3.- Pertsonok kreazioaren gauzarik garrantzitsuena garela ulertzea.

3.- KONTZEPTUAK

1.- Jainkoak zeru-lurrak, zuhaitzak, animaliak eta pertsonak sortu ditu.

2.- Natura eta bizia Jainkoaren opariak dira.

3.- Pertsonok gara kreazioaren gauzarik garrantzitsuena.

4.- PROZEDURAK

1.- Inguruan ditugun naturako elementuak kokatzea eta deskribatzea.

2.- Gauzak eta pertsonak bereiztea, gizakiaren garrantzia egiaztatzeko.

5.- JARRERAK

1.- Natura errespetatzea eta zaintzea.

2.- Bere burua eta besteak errespetatzen ikastea.

3.- Jainkoaganako esker ona: bizia eta mundua haren opariak dira.

6.- EBALUAZIO-IRIZPIDEAK

1.-Naturarekiko mirespena eta pertsonekiko errespetua agertzea.

2.- Proposatutako kreazioari buruzko kontakizuna behar bezala 



 

                                               EKINTZA

Ekintza arbelan edo paper handi batean egin daiteke. Gidoiaren puntu bakoitza irakurtzen edo kontatzen dugun bakoitzean hor Jainkoak sortzen duena marraztu behar da ( lehengoa guk marrzatuko dugu, hurrengoetan umeek marraztuko dute).

Lehenengo puntuan, ez dago marrazkirik. Haiek itxi behar dituzte begiak eta kontatu zer eta nola ikusten dute. Horrela zegoen mundua Jainkoak egin baino lehen, iluna eta ezer gabe.

9.ean denok eseriko gara eta ikusiko dugu egin dugun guztia. Komenta dezala zer polita den eta nola zaindu dezakegun.

1.- Hasieran lurra ilun eta huts-hutsik zegoen.

2.-  Jainkoak honela esan zuen:

-         Izan bedi argia!

Jainkoak eguzkia egin zuen gu ikuzteko, eta gauean ilargia eta izarrak.

3.- Gero, itsasoa eta lurra banatu egin zituen Jainkoak.

4.- Eta Jainkoak soro eta belardi ederrak Portu zituen, lore zuriz, horiz eta morez beteta. Eta zuhaixka lodiak, eta argalak… eta frutaz beteriko arbola ugari ere jarri zituen lurrrean. 

                       

5,. Jainkoari izugarri gustatu zitzaion hura guztia. Eta sortzen jarraitu zuen…

     Itsasoan eta ibaietan igerian zebiltzan arrainak sortu zituen.

6.- Baita zeruan hegan zebiltzan txoriak ere.

7.- Eta, gainera, abereak , narrastiak eta piztiak sortu zituen.

8.-  Jainkoari asko gustatu zitzaizkion animaliak eta sortu zituen beste gauza guztiak. “Norentzat izango dira horiek guztiak?”, pentsatu zuen.

      Orduan sortu zituen gizona eta emakumea. Eta benetan gustura gelditu zen.

      Eta hauxe esan zien gizonari eta emakumeari:

-         Lurreko landare guztiak, fruta-arbolak eta animaliak oparitzen dizkizuet. Zaindu mundu eder hau.

9.- Eta gero, badakizue zer egin zuen Jainkoak?        Egin zuen guztia begiratu eta atsedena hartu goxo-goxo.